KARAPATAN NG MGA HAYOP

   Maraming tao ang nagmamay-ari ng mga iba't ibang klase ng hayop sa mundo. Mahalaga sa bawat hayop na maalagaan dahil sila rin ay katulad natin na may pakiramdam. Bawat isa sa mga hayop ay may karapatang itrato ng mabuti at ituring na miyembro ng pamilya o kaya ay isang kaibigan. Ang mga hayop ay ginawa ng Diyos na may kanya kanyang halaga, kaya nararapat lamang na sila ay respetuhin. Bawat isa sa mga hayop ay may kanya kanyang silbi sa lipunan, kaya dapat lamang natin silang bigyan ng importansiya.

     Sa panahon ngayon, maraming hayop ang sinasaktan sa kabila ng batas na ginawa upang tigilan na ang pananakit sa mga ito. Ngunit patuloy pa rin ang mga tao sa pananakit sa mga hayop. Bakit nga ba nila nagagawang saktan ang mga hayop? Hindi ba sila natatakot sa mga maari nilang harapin na parusa? O hindi nila alam ang parusa na kanilang maaring harapin?

     Marami tayong nababalitaan sa pagmamalupit sa aso, ang iba ay nagsasagawa ng dog fights , may kakatay at binibenta para gawing pulutan . Noong 2011 may nag-viral na bidyo ,kung saan walang awang tinapak tapakan at nilamog ang katawan ng isang tuta hanggang sa ito'y manghina at mamatay.

Ano anong kaso nga ba ang maaaring harapin ng mga taong mahuhuling ng naggamit nang mga hayop? Ito ang mga batas sa pilipinas ang nangangalaga sa kapakanan ng mga hayop.

Republic Act No. 8483. An act to promote Animal welfare in the philippines , otherwise also known as "The Animal Welfare Act of 1998. Taon ng Pagsasabatas :1998, pirmado ni Pangulong Fidel V. Ramos. Republic Act No.10631 An act amending certain section of republic act no. 8485, Otherwise known as " The Animal Welfare act of 1998"

Taon ng Pagsasabatas: 2013 , Pirmado ni pangulong Benigno S. Aquino. Pinirmahan kamakailan ni pangulong Noynoy Aquino ang RA 10631 upang paigtingin pa ang kasalukuyang batas na umiiral kaugnay ng animal welfare. Ilan sa pagbabagong ginawa ng RA 10631 ay ang mas mataas na piyansa o parusa kapag napatunayan ang paglabag sa Animal Welfare Act itinaas ng RA 10631 ang multa sa paglabag ng batas, mula sa dating P1,000 Hanggang P5,000 ginawa itong P50,000 hanggang 100,000 . Ihinawalay rin nito ang mga parusa sa bawat opensa at idinagdag bilang paglabag sa batas ang sinumang mapatunayang pinabayaan ang hayop na nasa kanyang pangangalaga .

Ang mga hayop ay hindi lang basta mga hayop, responsibilidad din natin silang alagaan nang mabuti upang mabuhay sila ng napakatagal sa ating mundo. Kung titingnan din natin ang mga nangyayari sa mundo lalong lalo na sa mga hayop, alaga man natin ito o hindi, hindi makakaila na sa panahon ngayon nalalabag na ang karapatan ng mga ito. At isa sa mga dahilan kung bakit naaabuso ang karapatan ng mga hayop ay dahil naging mababaw na ang pagkakaintindi ng mga tao sa salitang "hayop". Halimbawa, may mga nababalita na nagiging marahas ang pagtrato ng mga tao sa hayop, at ito ay hindi makatarungan. May mga pangyayari na ginagamit ng tao ang hayop para sa kanilang sekswal na pangangailangan, meron ding sinasaktan nila ang hayop, pinagmamalupitan, pinaglalaruan, at ang mas malala pa sa lahat ay ang pagpatay sa hayop na walang kalaban-laban para lamang sa pansariling kasiyahan.